ماهي ارخص سياره وكاله؟

والله عندك الجيلي الصيني ec7 بس بي 30 الف مو 25 في gx2 بي 25

اخوي ممكن تحصل سيارة (جيلي باندا) لكنها صغيرة جدا واقل من 25 الف 

تقبل مروري

في مازدا 2  اتوقع سعرها 22 الف 

ويييييييييييييييييييييييييييييييييييييين المازدا 2 بي 45 الف 

و الجيلي gx2 تعتبر زي الكيا كارينز

عندك هونداي i 10 اشوفها بدت تنتشر 
وعندك سوزوكي التو 
وعندك شفرورليه اسبارك 
وعندك كيا بيكانتو 

زيدها شوي وخذ شيفروليه سبارك بـ 29 الف عالاقل من شركة امريكية معروفة

سيارت جيلي امجراند 7    قيمتها  30000 ريال   جارنا معاه وحده لها يمكن 9 شهور والحين ماشية 70000 وما اشتكى منها ابد

الجيلي منتشره اكثر وحده من الخيارات يلي اعطوك هيا الشباب سواء الباندا او ال ec7 او
Ec8 منتشره كلها 

ارخص سيارة وكالة 
عندك الجيلي باندا : 19.999
الشفروليه سبارك : 22.000 على ما اظن
الهونداي i10 بـ 18.999 
و عندك السوزوكي سيليريو و ألتو 3 سلندر : اتوقع ما بين الـ 20 و الـ 26 الف 
و تقبل مروري اخي الفاضل 

اوه معليش انا غلطان يوم قلت مازدا 2 راح بالي على i10 

اخوي solom 2012  الجيلي gx2 حجمها مثل الباندا لكن ماكينتها 1500 cc وانا كنت احسبها حسب الصور بالاعلان انها 
جيب ولكن لما رحت وكالة الحاج اتفاجئة بحجمها مثل حجم الباندا لكن الماكينه اقوى
الاخ صاحب الموضوع الاخوان كفوا ووفوا وذكروا لك سيارات صيني وكوري وياباني وانا ابغى اضيف عليها شركتين صينيه
1 قريت ويل وهذه وكيلها الرسام اللي عنده وانيتات دير
2 لافينا وكيلها الشاعر ...
لكن اسمحلي من عمرك الله يحفظك يعني خبرتك قليله بالسيارات وانصحك السيارات الصينيه استخدامهايحتاج اهتمام وعنايه
عشان تخدمك وتطول معك وما تعبك

السلام عليكم

عندك التو سوزوكي موديل 2013 اقل نوع سعرها حدود 27 الف قير عادي
هندية الصنع يابانية الاصل

وعندك جاك من توكيلات الجديعي للسيارات سعرها تقريبا 22 الف ريال 
صينية الصنع مايجي منها الا قير عايدي

وانصحك بالالتو وكيلها بامعروف ومن زمان معروف 
لكن الجديعي مش ولا بد

وبالتوفيق اخوي

عندك البيجو.  التو 2013 سعرها تقريبا ٢٦،٠٠٠  


واهم شئ الاستخاره وأنا اخوك 

انصحك تاخذ سيارة معروفة مستخدمة نظيفة 
وﻻ تاخذ جيلي وهالاشياء المو معروفة 
انت ما شاء الله عليك في بداية شبابك 
والسيارات هذي الامان فيها ضعيف 
ﻻ قوة بدي وﻻ ايرباق زي الناس وﻻ abs 

مشكورين اخواني عقبال انشاء الله رولزرويس لكل واحد رد

كيف يكون لك بيت في الجنة : الاولى (اقراء سورة الاخلاص 10 مرات) والثانية (صلاة 12 ركعة غير الفريضه)•
كيف يكون لك كنز في الجنة : قل لا حول ولا قوة إلا بالله?•
كيف تغرس لك نخلة في الجنة: قل سبحان الله العظيم وبحمده?•
كيف تغرس لك? اشجار في الجنة: قل سبحان الله والحمد لله ولا إله إلا الله والله أكبر?•
كيف تغفر لك ذنوبك وإن كانت? مثل زبد البحر: قل? سبحان الله وبحمده (100 مرة)?•
عطوني لايك وتذكرو ان الدال على الخير كفاعله
اللهم اجعلها صدقه عن المسلمين والمسلمات الأحياء منهم والأموات يا ربّ
اللهم أغفر للمؤمنين و المؤمنات و المسلمين و المسلمات الأحياء منهم و الأموات

خذ فورد 97 نظيف وراح تدعي لي أهم شي افحصها فحص شامل ب 200 ريال وأترك عنك خنفيس الشوارع 

لاتفكر في المستعمل نهائيااا ولا يغرك سعره تراك بتدفع نص سعره تصليحات خذلك سوزوكي سيليريو شكل حلو
 وتقريبا سعرها 30 

توكلعلى الله وخد الجلي قريبي كارفها ومشتكه من شي خدومه