استفسار بخصوص السوزوكي

والله مالي علم بصراحة ... بس اذا كنت تقصد جديدة خذ سبورتاج
لاتقول هذا ياباني وهذاك كوري المهم الجودة اللي ضهرت في تقرير المواقع المعتمدة مثل edmunds

لاياخوي انا اقصد الساموراي

هل يصلح للكرف

وكم اسعاره

بطرااااااااااااااااان مره بس ياويلك اذا خرب ومديلات الساموراي كلها قديمه ومهلوكه عشان كذه توجه للجيمني مديل حديث تاخذه جديد افضل من سياره صار لها 15 سنه وهي تمشي وقدها انفكت قطعه قطعه

يعني اترك الساموراي

بس الجيمني غاااالي

طيب اخوي كيف قطع الجيمني هل هو غااالي القطع

وهل يصلح للكرف

سوزوكي سيارات بسيطه ومتواضعه جدا
لكن بالكرف والله خذ مووووتر واللي يذم السوزوكي احلف يمين انه مايدري
الساموراي اذا كان حق البريد او الجوازات سابقا ياشييييخ خذه وانت مغمض لانه صيدات ونظاف ومامشت واجد
اما اذا كان استخدام عادي افحص وشوف ويفضل تاخذ جيمني افضل بحكم الموديل لان هذيك قديمه .

السلام عليكم ورحمه الله وبركاته

احم احم احم 
انا هنا يا شباب 
لا احد يجيب سيره السوزوكي وانا موجود هههههههه>>>>>>>>>>>>>>> ترى بتتلطم اقول اعقب

المهم عزيزي انا من ملاك سوزوكي من 11 سنه

جربت الساموراي 8 سنوات والله انه سياره لا يعلى عليها ولا احد يضحك عليك ويقولك قطعه مو متوفره ولا غاليه قسم بالله انها

متوفره وارخص من الهوندا والمكسيما والكورولا بعد واذا كان في بعض القطع فيها غلا شوي فتلاقي الزياده من 50 ريال الى 80 ريال

@ الشاهد بالكلام كان معاي ساموراي موديل 87 قسم بالله كرفته وجه وقفى لمده 8 سنوات 
وبعض القطع غيرتها ونسيتها الى حد ما بعته

واشتريت جيمني موديل 2005 له الان سنتين معاي والله انه عز الطلب وسياره ممتازه

واريح واخف من الساموراي لانه يايات مو سست زي الساموراي وانعم بالمطبات وصرفيه البنزين اقل بكثير

@ نصيحتي خذ جيمني وماراح تندم بس دور النظيف@

واي استفسار انا جاهز

اخوك / مدمن سوزوكي

طيب وش رايكم في الربع فيتارا 2003 دبل وكم قيمته

 اخوي  انصحك بالساموري  لانه ممتع للغايه وسواقته في البر ولا احلى وانا مجرب من ثلاث سنوات وافضل موديل من 96 الى 99 لانه يجي يايي مو سست يكون  اريح وامتع وبالتوفيق ...

البانزين راح يكون مشكله المستقبل
نسال الله العافية

ياخي الواحد يحتار كلما يدخل يبى يعرف عن سياره يلقى كثيرين يمدحوها وزيهم يذموها ماعاد يدري ايش يسوي انا ابشتري اليوم في العصر ساموراي 88 وعلى الله ..

كلامك ريحني وشجعني يا حكيم المعاني واصلن انا راغب السياره وانت زدتني شوق