سزوكي ايرتيقا او تويوتا افانزا

يالغالي بقيمتهم في خيارات افضل اما ذي الخيارين اقولك ولا وحده

السوزوكي بتتعبك لا قطع ولا بيع

والافانزا يارس طويله تفتقر لاقل مواصفات السلامه

الافانزا فيها 2 ايرباق و فرامل ABS
لكن حجمها و صغر كفراتها و قوة مكينتها ما في عزم
و تعطيها سواق مبتدئ معه حريم و اطفال
لو يشطفه جمس مسرع تنقلب
 الصراحة تخوف على اقل حادث ما تدري وش يصير على الركاب
الافضل تشوف لك فان مستعمل اكبر شوي و آمن مثل كيا كارنفال او هوندا اوديسي
ممكن تويوتا انوفا لا بأس فيها و لا القواطي ذولي

ابو نجوى حتى لو فيها 10 ايرباقات

المسافه بين الطارة والصدام الإمامي صغيره جدا يعني لو تصدم سيكل راحت تالف

ومواصفات السلامه مو فقط انظمة وايرباقات

حتى ابعاد السيارة ووزنها وصلابتها تعتبر من مواصفات السلامه

هي مثل ما قال عبدالرحمن الخالدي
 راعي المعرض على اليوتيوب
مصممة من اول لسكان شرق اسيا مناسبة لاحجامهم و بنيتهم
لكن انتشرت بشكل ملاحظ و اكثرهم يشترونها للسواقين الخاصين
و لها بديل افضل بنفس سعرها 
هونداي كريتا و اقوى و انشط مكينة و قير ب53 الف
لكن تحمل 5 ركاب فقط

ونا اخوك انصحك انوفا خيار ممتاز عملية + مرتفعة + عند البيع مرغوبة
عيبها سعرها غالية
واذا ماعندك سيولة خلك ع سيارات صغيرة يارس + اكسنت >> يُفضل واذا مايهمك شكل ( صني ) <<

هونداي اتش ون اوسع وارفع وارخص من الانوفا ب 73 الف