أضف سؤال أو موضوع جديد          

رايكم بمشروع تأجير دبابات بانشي في ثمامه ؟

up 4 down 2
shu3ib_ 40
قبل 4 سنه و 3 شهر



السلام عليكم ورحمة الله وبركاته 

مساكم الله بالخير جميعاً 

اسأل الله الرزق الوفير لي ولكم 

اخواني الاعزاء لدي فكرة مشروع تدور في بالي واتوقع الان افضل وقت اني ابدأ المشروع

المشروع هو : 6 دبابات بانشي سوزوكي قيمة الواحد حول 15،000 ريال + خيمه انصبها في الثمامه + رجال سوداني يشتغل عليهم 

الحسبه السريعه الي حسبتها وممكن غلط علي 100‎%‎ 

فلنفرض انه 3 دبابات ستأجر لمدة 10 ساعات وهنا عندنا 30 ساعه 
الساعه لا اعلم كم هي لكن فلنفرض انها 150 ريال 
هذي خلال يوم واحد اذا مشا الموضوع على كلامي 4،500 ريال 
نشيل البنزين + التصليحات + الراتب الشهري يعني يصفى 3،000 ريال نقول 
3،000 X في 30 يوم يساوي 90،000 ريال خلال شهر فلنفرض بتستمر لمدة 5 شهور 

هذي 450،000 ريال بجيبك ولو تبيع الدبابات اذا جاء الصيف لو تبيعها تشليح مايهم لانك طلعت دبلاتها 

اخواني الكرام ممكن الحسبه غلط وفي اشياء كثير ماذكرتها 
والي حاب يستفيد من المشروع الله يرزقه ودعواتكم لي 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وفقك الله اخوي الغالي


up 2 down 0
بومااجد 86
قبل 4 سنه و 3 شهر



يا الطيب انت حاسب الايراد اليومي ٤٥٠٠ على اساس ان فيه زباين في كل ايام الاسبوع.
اغلب الناس تطلع للبر نهاية الاسبوع يعني الدخل اليومي الي انت حطيته اعتقد انه اجمالي الدخل في الاسبوع مو في اليوم.
يعني الشهر تقريبا يطلع لك ١٢ الف ريال.
هذا رايي الشخصي والشباب ان شاء الله بيفيدونك لاني ما لي خبره في هالمجال.


up 7 down 0
ابو عبدالله riyadh 271
قبل 4 سنه و 3 شهر



Adli3030 وياك يارب تسلم 


up 0 down 0
shu3ib_ 40
قبل 4 سنه و 3 شهر



اذا بتعطي الدبابات سوداني

انسى يجيك ارباح 

بيلهطك

اما توقف ع مشروعك بنفسك والا استريح


up 7 down 1
coco13 894
قبل 4 سنه و 3 شهر



ابو عبدالله riyadh

صح عليك هذي اول نقطه راحة عن بالي 
وبرضو الدخل الشهري 12،000 شي طيّب 
لو نقول ايام الاسبوع مرتين يتأجر الدباب ذي 300 ونهاية الاسبوع نقول 4500 
ولا تنسى بعد اسبوعين او ثلاثه بتجي اجازه اسبوع بين الفصلين وشوف الزحمه فالبر وبيكون الجو بحول الله جميل 
واجازة الربيع بعد شهرين او ثلاثه 

شاكر لك مرورك 


up 1 down 0
shu3ib_ 40
قبل 4 سنه و 3 شهر



Coco13 

صدقت لازم المتابعه للمشروع وانا قلت اخلي واحد من اخوياي يتابع وله شهري راتب 


up 0 down 1
shu3ib_ 40
قبل 4 سنه و 3 شهر



بما انك راح تشتري دباب بانشي بداية المشروع ونهاية المشروع حتبيعه تشليح او اي شي 

انصحك تاخذ دباب صيني او بانشي مستعمل عشان حتى لو خسرت او شي ما تكون الخساره الكبيره هذيك 

واهم شي توقف على المشروع بنفسك ولو تبغى تكسب الزبون اخﻻقك ثم اخﻻقك


up 3 down 0
موستنج جي تي ار 3470
قبل 4 سنه و 3 شهر



طيب ما فكرت ان ممكن ينسرق الدباب؟؟

ابسط شي يروح ورا تل ويحطوه بقلص ويدعس


up 3 down 0
معالم التقنية 144
قبل 4 سنه و 3 شهر



ردا لاخوي معالم التقنيه . اصلا مايسلم الدباب الا بالهويه الوطنيه


up 1 down 0
mm88zz 85
قبل 4 سنه و 3 شهر



بالنسبه للسرقه؟
فيه بعض الناس يلقى بطاقة الهويه مثلا طايحه
وهذولا ضعاف النفووس ويجي عندك ياصاحب الدبابات
ويعطيك اياها على انها له وياخذ الدباب ويسرقه وبتروح
انت تشتكي على الهويه وبالنهايه تلقى صاحبها مبلغ عليها
انها ضايعه الا وانت ما استفدت شي انا قد فكرت زيك بمشروع
بالمنطقه الجنوبيه دبابات لاكن هاذي النقطه الي انا خايف منها 
لو القى حل راح اسووي المشروع علطووول
وعسى الله ييسر لك الي فيه الخير


up 1 down 3
الكـنـق 51
قبل 4 سنه و 3 شهر



الرد الي قبلي تقدر تاكد من الصوره هو نفس الشخص ولا غيره


up 3 down 0
الحربي فهد ١١١ 165
قبل 4 سنه و 3 شهر



مشروع حلو ليتني بالرياض مشاءالله مدينة حقت شغل الي يبي ورق يروح الرياض 
شباب لإيكات بليييييز عندي موضوع حلو عن رينو تالسيمان الجديده 
اول ماستلمها بنزل لكم تقرير 


up 2 down 3
قائد جيش السنافر -16
قبل 4 سنه و 3 شهر



الحربي فهد 111 

فيه بعض الناس صورهم بالاحوال قديمه 
زي بطاقة الاحوال عندي انا الصوره تختلف عني حالياً
لني طلعتها ايام اول ثانوي ومدتها 10 سنين واذا جيت 
نقطة تفتيش يقروشوني يقولون مو الاحوال لك لن الصوره غير

فبيجيني اكثر من واحد لو اجرت مثلاً دبابات
ويعطوني الاحوال والصوره غير 

اتوقع مافي حل للشي هذا ☹️


up 2 down 0
الكـنـق 51
قبل 4 سنه و 3 شهر



انتبه لابد تصريح لأن الأمن شن حمله ومصادره الدبابات 


up 2 down 0
حسي لسي 124
قبل 4 سنه و 3 شهر



يرحم والديك لا تأجر لبنات


up 1 down 0
car.10 268
قبل 4 سنه و 3 شهر



اخوي يسعد لي صباحك

حسبتك غلط صراحة


وانا شغال فيها لي 10 سنوات


اذا قفلت نهاية الموسم 30 الف صافي انت ربحان


طبعا الموسم يبدا من الحين الى الصيف تقريبا 5 شهور



اذا تبغا تفاصيل اكثر تواصل معي وابشر باللي يسرك


لكن اشتغل بنفسك وخلك مشرف على السوداني والله يعينك على مشاكل الشباب



بالتوفيق


up 0 down 0
yamani_2002 53
قبل 4 سنه و 3 شهر



اول شي ركز على الفئة المستهدفة ( شباب / عوائل / اطفال )

اختار نوع الدباب اللمناسب وانقز لحراج بن قاسم هو افضل مكان لشراء الدبابات


انصحك بالتايواني نوع رام او بلاست اذا انت تبي عوائل او اطفال


السوداني احرص انه يكون ميكانيكي رقم 1 لا تجيب عامل او نص ونص الدباب اللي يوقف بيخسرك خاصة وقت الزحمة تحتاج من يشغله لك باسرع وقت او طفي او قطع سير او جنزير الخ والصباح يسوي الصيانة


up 0 down 0
yamani_2002 53
قبل 4 سنه و 3 شهر



احرص على عقد التاجير ويوقع عليه المستاجر وتذكر اخلائك المسؤلية من اصابات الحوادث وتحمل تكاليف الحوادث والكسور


لا تاجر بنات لحالهم لو عطوك عشر اضعاف الإيجار ما وراهم الى المشاكل


up 0 down 0
yamani_2002 53
قبل 4 سنه و 3 شهر



شغلك بالويكند واحرص انك تكون من الصبح الى الليل تكون متواجد وتمسك الحسابات بنفسك


up 0 down 0
yamani_2002 53
قبل 4 سنه و 3 شهر



ف الكبري الميت بعد كبري بحره ما يأجرك الدباب الا بالبطاقه وتوقف السياره عنده خلك زيهم وبالتوفيق.


up 0 down 0
فيصل 009 2
قبل 4 سنه و 2 شهر