أضف سؤال أو موضوع جديد          

تجربتي للسوزوكي اليوم ومقارنه بينه وبين الفورشنر

up 13 down 5



اليوم بعد موضوع العضو السموئل عن السوزوكي قررت ازور الوكاله واشوف الاسعار واخر الاخبار


للاسف صدمتني الاسعار !!!


الفيتارا 4 سلندر مكينه 2.4 ب100 الف ريال فل كامل !!!


وال 6 سلندر زمان يوم نزل وكان سعره 95 الف فل كامل والحين توقف ....


يعني الان صار ال 4 سلندر اغلى من ال 6 سلندر !!


على العموم الاسعار في ارتفاع لكل السيارات بحكم انه الاكسنت ابو مكينه 1.4 وصلت الستين فاتوقع انه السوزوكي يستاهل دام انه ياباني مب ترقيع مثل باقي السيارات


وانا ادرو فالصاله لقيت شاب مرح طيب جلسنا نسولف وقال اي سؤال انا حاظر وانا مجربه !


قلت فرصه وسئلته


سيارته فيتارا 2009 نص فل مكينه 2.4 مطلعها وكاله


الرجال مدحها بشكل غير طبيعي والان يفكر يطلع السوزوكي الكيزاشي


حاليا مشى عليها 200 الف كيلو ولم يحدث له اي اعطال مكيانيكيه او اي شي رغم انه اهتمامه فيه بسيط


قلي تعال تبي تجربه !!! قلت ليه لوجربته وطلعنا على طريق الدمام وهذا رايي فيه


بحكم تجربتي للفورشنر ابو مكينة هايولكس فراح تكون المقارنه بينه وبين الفيتارا


العزل فيه رائع جدا مقارنه بالفورشنر + رساوة السوزوكي مقارنه بالفورشنر رائعه جدا وراسي جدا بحكم انخفاضه + صوت المكينه اهدى من الفورنشر حتى على السرعات العاليه


مشيت عليه 170 والسزوكي ماسك نفس لايلعب ولا شي وماتحس انك مسرع اصلا مقارنه بالفورشنر وبداء يعجبني اكثر واكثر


السياره متماسكه وثابته رغم انها ماشيه كثير


المشكله الوحيده انه منخفض مرررررررره وياالله لو جاك حجر راح يفقع الشكمان عليك ..


القطع يقول انها غاليه حييل الفحمات الاماميه بس ب500 المساعدات الخلفيه تقريبا ب1500 الاسعار لمديل 2009


بس الرجال يقول السياره راح تنسيك غلاء قطع الاسعار لانها كريفه خصوصا انه بعد ماكمل 200 الف كيلو بدون اي اعطال ميكانيكيه والكرف اللي جاه


تطعيس جبال يمشي وبالنسبه للقوه اشوف انه اقوى من الفورشنر لاني مجرب الفورنشر وبصراحه السوزوكي يتفوق عليه فكل شي وليس مبالغه مني


الفورنشر ميزته الارتفاع رائع جدا لكن سريع الانقلاب والسوزوكي منخفض مره وتخاف عليه !!! هذا اللي قاهرني


وانا كان ودي بالسوزوكي الربع ابو مكينه 2.4 فل كامل بس بعد مانزل وهذا داخل مزاجي لكن السوزوكي ابو 5 ابواب شله فخم ورائع واحتمال اغير قراري واخذه


بس انتظر السوزوكي الربع ينزل وبشوف الاسعار والمواصفات


واسف على التقرير اللي بدون صور ماهي من عوايدي بس تعرفون جوال ابو كشاف !!


ملاحظه : فلتر الهوى حق الكيزاشي ب500والقطع متوفره لكن غاليه حسب كلام الرجال راعي الفيتارا لانه يفكر ياخذ الكيزاشي فانتبهو منها ترون قطعها غاليه لكن تبقى السياره يابانيه وقويه



http://www.youtube.com/watch?v=Zo-eFshzvMw







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يالربع صح الموضوع قديم بس لقيت فيتار خليجي جديد بسعر طيب هل ضمانه ساري مع الوكيل ولل لا اتوكل على الله وآخذه ولا ابعد عنه


up 0 down 0
skyskyh
قبل سنه



يالربع صح الموضوع قديم بس لقيت فيتار خليجي جديد بسعر طيب هل ضمانه ساري مع الوكيل ولل لا اتوكل على الله وآخذه ولا ابعد عنه


up 0 down 0
skyskyh
قبل سنه