ياماها فور ستروك وسوزوكي فور ستروك
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
ردي هذا فقط للرفع والحفاظ على سمعة الياماها
للعلم ترى الياماها الفورستروك من موديل 2010 تغيرت كلياً عن الياماها الموديلات الاقدم وخصوصا احجام من 200 الى 300 وللعلم الياماها الجديده الفورستروك احجام 225 و 250 و300 تفوقت على باقي المكائن والدليل دش موقع ياماها وشوف جدول مقارنه توضيحي بين الياماها والسوزوكي والميركوري والايفورد.
وبكتب لك مواصفات الياماها الفور ستروك من موديلات 2009 وأدنى:
احجام 200 الى 250 علما ما كان فيه حجم 300 :-
1-سعة المكية 3.3 لتر
2-وزنها 278.
وهذي مواصفات الياماها الفور ستروك من موديل 2010 وفوق احجام من 225 و250 و300 وطبعا الـ300 تجي 8 سلندر وتجي 6 سلندر بس انا بكتبلك عن 6 سلندر:
1-سعة المكينة 4.2 لتر وتعتبر اكبر مكينة 6 سلندر فورستروك على الاطلاق
2- وزنها 254 مع البروانه.
3-اقل مكينة فور ستروك بالصرفية البنزين والدليل شوف الجدول التوضيحي في موقع ياماها موتور.
4-اقل مكينة فيها صوت.
5-نظام وايرلس وعدادات عجيبه وتقنيات مطوره.
6-لا تحتاج الى باور سكان خاص نفس الميركوري باورها خصوصي ومشاكله وايد وطبعا انا شايف بعيني مشاكل الباور في مكاين الفرادو.
7- يكفي اسمها ياماها ويوم بتبيع سعرها فيها.
ونأتي للسوزوكي حجم 250 وحجم 300 وعلما ان المكينتين اوزانهم تختلف واحجام البلوك فيهم تختلف:
1- ال250 وزنها 263 وسعة المكينة 3.6 لتر وصوتها معقول وصرفية البنزين معقوله ومناسبه.
2- ال300 وزنها 274 وسعة المكينة 4.0 وصوتها مو مريح نفس ال250 وصرفية البنزين اكثر من ال250 وعلى فكره الوكاله لو تسالهم ايهما افضل راح يقولون لك ال250 افضل وقيرها اقوى.
وناتي للميركوري فرادو احجام 200 و250 و275 و300 :
1- وزنها 288 كيلو وتعتبر اثقل المكائن.
2- سعة المكينة 2.6 لتر وتعتبر اصغر مكينة مع ان اللي يشوفها يقول شكلها جبل
3-صوتها مزعج وانا مجربها ومصروف بنزينها معقول.
4- مشاكل السوبر جارج مشهود لها مو بس بالكويت.
5-سعرها غالي.
6- يوم بتبيع ما تبيع بسهاله وسعرها يطيح.
اسعار المكائن الـ250 لوكالات البوم والياماها سلطان السالم والسوزوكي مصطفى كرم:
1-الياماها 250 طقم عدد 2 عكس مع عدادات وكنترول وتركيب مجاني وتنظيف تانكي البنزين السعر = 8750 دك. الكفاله مو متاكد منها لكن بموقع الرسمي لياماها حاطين 3 سنين كفاله لكن وكالة سلطان السالم مادري ما سالتهم.
2- السوزوكي 250 طقم عدد 2 عكس مع عدادات وكنترول وتركيب مجاني وتنظيف تانكي البنزين السعر = 8500 دك كفالة 3 سنوات وطبعا في ناس تقول اسعارها تختلف على حسب المكاسر والواسطه حتى بالشراء واسطات ما علينا.
3-الميركوري فرادو 250 طقم عدد 2 عكس مع عدادات وتركيب مجاني وتنظيف تانكي السعر = 9900 دك كفاله 5 سنوات شرط الصيانة عند الوكيل
![إبلاغ](https://montada.haraj.com.sa/images/alert.gif)
الردود
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
ههههههه امزح معاك انا سعودي بس ليش تسئل
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
قبل 11 سنه و 11 شهر