أضف سؤال أو موضوع جديد          

استفسار ورش تحويل او ترهيم القير الى قير عادي

up 3 down 1
بدر-جدة 7
قبل أسبوع و 3 يوم



السلام عليكم

عندي جراند فيتارا ٢٠٠٩.. القير الي فيها اوتوماتيك على نهاية عمره
وودي اركب قير عادي بدل الاوتوماتيك، غاثني بمشاكله

القير متوفر في التشليح، و يركب على السيارة مضبوط، من ناحية القواعد والعامود والدبل.
ماعدا الداير (مكان التقاء المكينة بالقير) فهي مختلفة، الداير بالمكينة اكبر من القير!

السبب ان المكينة الي راكبة عالسيارة مكينة GM HFE V6 3.2 وهذا المكينة ماتجي الي مع قير اوتوماتيك.
زيها زي مكينة ال اكاديا وال لومينا وال كابرس و كاديلاك، وكثير سيارات تستخدم نفس المكينة مع اختلاف بسيط في سعة اللترات من ٣.٦.

-

المهم
انه يلزمني اضافة: الكلتش وتمديداته + ضفيرة القير مع الحساسات + عصا القير الداخلية مع ديكورها. وهذه كلها متوفرة بالتشليح.
وترهيم صاجة تحول من داير المكينة الكبير الي داير القير وهذه ماهي متوفرة بالتشليح..!

-

اتمنى تدلوني على ورش لها خبرة في الترهيم او ال جيربوكس عامة
ضروري تكون في جدة، ما ودي ابتلش مع موضوع الشحن

اتمنى تدلوني على ميكانيكيين خبرة و متفهمين وبالهم طويل

وشكرا مقدما










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله بتتعب ويمكن يضبط او بتطلعلك مشاكل انت في غنى عنها وتبي تبتلش كل يوم وانت بورشه اذا من عادي لعادي مشاكله واجد ويبيلها متخصصين ترهيم وتجليس
ان كان تبي النصيحه حاول تبيعه وشوفلك قير عادي بالفلوس اللي كنت بترهم فيها القير


up 1 down 1
ابوخلوودي1 5037
قبل أسبوع و 3 يوم



وعليكم السلام 

المشكلة ليست بالقطع المشكلة بالورش اللي ترهم لازم يكون شغلهم مضمون وعلى اكمل وجه وبرضو تأكد من القطع الموجودة لازم تكون كلها شغالة وماتخرب بسرعة وبالتوفيق


up 1 down 0
ابو حسين.......... 787
قبل أسبوع و 3 يوم



نصيحة لا تعدل عليه وتتعب
اغلب الورش يبيعون الكلام ويبسطون عليك التكلفه وانها سهله
واغلبنا يعاني منهم وسيارتنا سليمة كيف بتركك عنده السيارة ايام حتى يعدلها
لكن من تسلمهم السيارة يبدأ يطلع مصاريف كثيرة وتعديلات وغير الخرابات ولا تضمن شيء وتجبر تستمر في الدفع لانك خسرت مبلغ كبير
لا تتوقع من الورش يتعاطفون معك كل همهم الفلوس

لكن اذا عندك رغبه قويه كلم مصمم السيارات محمد الشبيبي له قناة في اليوتيوب وخبير في اصلاح السيارات ويمكن يساعدك
هذه قناته في اليوتيوب
https://www.youtube.com/channel/UCpUYc1huet10OYtDhNRucfQ/videos


up 3 down 0
splinter cell 161
قبل أسبوع و 3 يوم



فيه فكرة شفتها في احد مقاطع اليوتيوب لحل مشكلة اختلاف داير المكينه مع داير القير
في المخرطه يسوسلك توصيله بوجهين من جهه مقاس داير المكينه ومن الجهه الاخرى داير القير بس تبغالك واحد شاطر يظبطها لك

https://www.youtube.com/watch?v=hpb2Him9CUo

هذا هو المقطع شوف من الدقيقه 13:31 الى 14:28 يوريك شكل الوصله اللى وصفتها لك





up 1 down 0
toritto 356
قبل أسبوع و 2 يوم



يعمي مالك بوجع الراس ركب نفس القير اوتو وبيع السيارة او ركب قير اوتو وحافظ على السيارة


up 0 down 0
nissan200 87
قبل أسبوع و 2 يوم



تحويل القير من أوتوماتيك الى عادي ماهو
صعب لان الشغل ميكانيكي و لكن تحتاج
الى ورشة متخصصة بالترهيم
مثل الورش اللي بالقصيم
واذا انت من جده فيه ورشة إسمها وقت الصيانة في الجموم
اكتب في جوجل راح يظهر الموقع وأرقام التواصل
و شوف كم تكلف و المهندس اللي شغال فيها سعودي
و شغله طيب


up 0 down 0
alhkami 276
قبل 6 يوم و 13 ساعه



الله يجزاكم الجنة
نصائحكم افادتني كثيرا


up 0 down 0
بدر-جدة 7
قبل 2 يوم و 19 ساعه



زرت التشليح وتاكدت من ابعاد المشروع
القير المتوفر في السوق المحلي حق مكينة ٢.٧لتر.

الشغلة طلعت سهلة خصوصا ان السيارة يابانية ومن فئة عادية، بعنى ان مافيها تقنيات معقدة زي اغلب السيارات الالمانية والامريكية.

اللهم ان العوائق والمهام:

-لابد من تفصيل تحويلة/بلتة لتركيب القير على المكينة.
-مع تركيب ال تحويلة/بلتة فالقير راح يتحرك من مكانه كم سانتي، مما يتوجب وزن عامود الكردان وعامود الدبل وكرسي القير.
-حفر مجال للسلف، لان مكان السلف باليمين عكس المكينة الحالية باليسار.
-تغيير بكرة السلف، لان سنون الحذاف الجديد مختلفة اختلاف بسيط.
-حفر منفذ لعلبة زيت الكلتش ومنفذ لعصا القير.
-برمجة بسيطة


وفرق السعر كبير مابين عمل كل هالامور وبين شراء قير اوتو مستعمل.


up 0 down 0
بدر-جدة 7
قبل 2 يوم و 19 ساعه



سمعت نسبة الدفرنس او الكرونة تحتاج الى تغيير
لان طول نمرة القير الاوتو تختلف عن العادي..!

افيدونا بهذا الامر

يعطيكم العافية



up 0 down 0
بدر-جدة 7
قبل 2 يوم و 19 ساعه