شراء سيارة عن طريق التحويل البنكي والشحن إلى العميل

نظرياً الفكرة صحيحة

تحول له قيمة السيارة على (حساب المعرض) وليس حساب شخصي

ويسجل السيارة باسمك ويشحنها


كل هذا كلام جميل، لكن لو انا مكانك ما ادفع الفلوس الا حاضر بحاضر وبعد معاينة السيارة

ممكن السيارة يكون فيها مخش او طقة، وتضيع بين المعرض وشركة الشحن

ممكن تحول له ويجحدك، كذا انت صاحب حق بنظر القانون، بس تقعد تطالب وتضيع وقتك عشان تاخذ حقك


انصحك بالبيع والشراء الحاضر الناظر

وفقك الله ومبروك مقدماً

دامك في الدمام تعتبر قريب من الرياض تحضر صباحا وتشحنها
بنفسك او انت تقودها الى الدمام كلها نصف ساعة وانت مالك للسيارة

الأفضل سلم واستلم

الأخ نديم كفى ووفى

لا تحول شيء

شوف السيارة وسلم الفلوس واستلمها وأنت مطمئن

جزاكم الله جميعا خيرا وبارك فيكم

مبروك مقدما....

الان البيع اونلاين كل المعارض والوكالات

انا شريت سيارتين اونلاين عن طريق الموقع او حسابهم ببرامج التواصل والحمد الله تمت بنجاح

الان الناس تشتري من أمريكا وكندا وانت تفكر تشتري هنا

يوسف صحيح الناس تشتري من امريكا وكندا بس بتقارير موثقة من كارفاكس وغيره اما عندنا صراحة لقلة امانة البعض اشوف انك تروح َتستلم السيارة بنفسك

والله أنا شريت سيارة من أحد معارض الرياض المشهورة وحولت المبلغ لحساب المعرض ووصلوها مكة على الزيرو جديدة ، لأن السيارة كانت مخلصة فالغربية ولايوجد إلا فالرياض ، لكن لو عاد بي الزمن ماأشتري إلا قدام نظر عيني .

انا شاري دوج في رمضان من الرياض ونا في جده وإرسالها لي بسامي الأمور طيبه أهم شي حول لصاحب المعرض نفسه خله يرسل لك صوره من السجل التجاري للمعرض وبالتوفيق مقدما والله يعطيك خيرها ويصرف عنك شرها

مشوار الرياض 4 ساعات بالسيارة
اصحى بدري وروح عاين السيارة وتاكد من كل شي وخلص امورك بفسك اضمنلك وارجع بنفس اليوم
والحق قبل الضريبة الجديدة
ومبروك مقدماً

احياناً انت عند راعي المعرض والسيارة قدامك وماتسلم

النظر و الشوف والفحص واحيانا في غش كيف لو من بعيد
علي العموم اذا حولت احرص علي التحويل يكون ل حساب المعرض علي الاقل تضمن شي يجيك
بس لو حولت ل شخص حقك ممكن يضيع قبل فتره سمعت عن معرض في الجنوب الناس تحول له قيمة السيارات ويجحد وعليه قضايا في المحاكم